Tomorrow

大家好我哋係保良局胡忠中學2021-2022年學生會 -Tomorrow 。

Tomorrow顧名思義係指明天，希望各位同學可以喺新嘅一年忘記咗之前嘅煩惱同埋唔開心，將美好嘅回憶留下，喺美好嘅回憶當中迎接明天。亦都希望同學遇到任何困難，唔好退縮同埋逃避，喺艱難困苦中奮鬥，正所謂「希望在明天」吖嘛。繼續不斷接受新嘅挑戰，令到今日嘅自己勝過昨日嘅自己。

Tomorrow亦都可以指將來，雖然同學喺學業上好忙 ，但同時都想同學規劃好自己嘅將來，喺中學生涯做好準備，唔好令自己有任何遺憾，喺未來嘅職業上發揮所長 !

Tomorrow有個簡寫係[T] [M] [R]，我相信大家都知點解㗎喇！但係，我哋梗係唔會咁簡單㗎啦所以我哋幫「TMR 」呢三隻字加咗另一個意思。

[T]-係Teamwork嘅意思，我哋希望各位同學們都可以共同完成你哋嘅目標。一班人可以匯集各種觀點 ，結合大家嘅意見，快速地解決問題。同時地，每個團隊嘅成員都有責任平等地作出貢獻 。

[M]-stand for Major 嘅意思係重要的，我哋想成為學校重要嘅一份子，成為老師及同學之間嘅橋樑 ，為大家帶嚟溝通。

[R]-即係Respect，尊重對任何人嚟講都好重要！每個人都係值得被尊重。尊重係雙向嘅，當自己願意尊重人哋，好自然人哋就會尊重返自己。